CD Cea

Historia.

Aínda que anteriormente o fútbol era moi practicado pola zona e na nosa localidade xa había equipo, CD Cea comeza o seu andadura oficial en 1966 con José Fernández Díaz como Presidente, José Mosquera Fernández como tesorero, Manuel Gómez Crespo, Xeneroso González, Arturo Calviño, Antonio Dalama, Américo Pinto, Andrés Gómez Juan Testa e Agustín González todos eles como vocales. 

O equipo xoga diversos encontros con outros da zona ata que en 1975 nacen as ligas locais e CD Cea participa ascendendo á división segunda da provincia. Considerado un equipo ascensor CD Cea vive a súa etapa máis gloriosa entre os anos 1982 e 1985 pasando en anos consecutivos da categoría farolillo (3ª rexional) ata Rexional Preferente (categoría autonómica) e alcanzando o trofeo de Copa Diputación, ata a data o único, converténdose a final no campo municipal de O Couto, na capital, un verdadeiro acontecemento sendo un dos partidos con mais publico que se recorde neste tipo de evento. 2-1 foi o resultado final a favor dos panadeiros ante un Allariz que formaba un dos conxuntos punteiros por aquel entón na provincia. Formaron na final: Tino, Manix, Keita, Dopazo, Tacoeiro, Celso, Elier Dalama, Pepiño, Presas, Saleta, Víctor, Sindo e Emilio Sobrado sendo o adestrador Elías. Saleta en primeira instancia e Elier Dalama a continuación acabaron coas esperanzas dos alaricanos. 

Desde 1986 ata 1993 o club pasa por unha importante crise descendendo desde Rexional Preferente ata 2ª rexional o que provoca desacordos importantes entre os afeccionados mais ilustres. 

É na tempada 1993/1994 cando o equipo volve renacer e con Oscar Garriga como presidente se converte en novo equipo de 1ª rexional. Formaban o plantel Otero, Luís, Leandro, Ardiles, Alberto, Tiné, José Dalama, Manuel, Pichi, Javi, Carballo, Carlos Dalama, Javi, Saleta e José Antonio. Aquela tempada non só trouxo éxitos ao equipo senior senón que tamén o equipo xuvenil puido repetir a xesta realizada polos maiores 8 anos antes proclamándose Campión da Copa Diputación Xuvenil no mesmo escenario ante CD Ribadavia por un tanteo de 1-0 con gol de Javi. Formaron naquel encontro Luís, Moncho, Jacobo, Tiné, Roberto, José Dalama, Víctor, Marcos, Manuel, Pablo, Iván, Javi, Rafa e Pichi. Fíxense como varios xogadores do equipo xuvenil pertencían ao equipo senior formando estes quizais a mellor fornada de xogadores de canteira dende a época gloriosa de CD Cea. 

Temos que esperar ata a 2002/2003 para ver ao club alcanzar un novo éxito deportivo. Esta vez con José Figueiredo Crespo "Manix" como presidente e dirixindo o rumbo deportivo Guillermo Dopazo CD Cea proclámase Campión de 1ª Rexional por segunda vez na súa Historia. Formaban Manolo, Sito, Fatón, Montero, Rafa, Guillermo, Alberto Valladares, Toño, Omar, Israel, Lino, Claudio, Pichi, Carlos Dalama, Simón, Javier Caride, Stinger e Carballo.

Palmarés